الشتا دخل، والجو بقى يسمح
لحد ما بشوربة العدس، أو أنا بتلكك عشان أعملها، النهاردة أول مرة أعمل عدس الشتاء
ده، وكان دايت من الألف إلى الياء، من غير زيت أو دهون، وأقل كمية ممكنة من
النشويات، وطعمه ممتاز والحلة الفاضية تشهد على ذلك.
المكونات:
·
كوب كبير عدس (كمية تكفي شخصين)
·
1 طماطم.
·
2 بصل.
·
فصين ثوم.
·
1 جزر.
·
1 بطاطس صغيرة (البطاطس مش وحشة في الدايت يا جماعة دي مفهومة غلط،
حبة البطاطس بحجم الماوس الخاص بالكمبيوتر فيها 70 سعر فقط المهم نعملها ازاي).
·
ملح وفلفل وكمون.
·
ملعقة صغيرة دبس رمان.
·
ملعقة كبيرة شعرية.
الطريقة:
1.
في حلة كبيرة نضع الماء والعدس المغسول.
2.
نضيف الطماطم وحبة بصل واحدة، والبطاطس والجزر والثوم،
مقطعين لمكعبات صغيرة لسهولة التسوية.
3.
بعدما تتم تسوية كل المكونات تماماً باستخدام الهاند
بليندر أو الخلاط أو أي وسيلة أخرى نهرس المكونات سوا.
4.
نزود ماء لغاية لما نوصل للسمك المطلوب ونضيف الملح
والتوابل ودبس الرمان.
5.
في طاسة تيفال وبدون زيت نحمص الشعرية ثم نضيفها على
الشوربة اثناء غليانها.
6.
في نفس الطاسة التيفال نضع بصلة مفرومة لغاية لما لونها
يغير ثم نضيفها.
وبكده الشوربة بقت عظيمة،
وبالهنا والشفا، أنا اكلتها مع ربع رغيف عشان تبقى ملائمة مع الدايت اللى ماشية
عليه.
ليست هناك تعليقات:
إرسال تعليق