القلقاس برضه من الأكلات
اللى متحرمة في بيتنا سواء قبل الجواز أو بعده بسبب الإرهاب الرجالي المعادي
للقلقاس، مع إنه خضار أليف وطعم ويجنن بس نقول إيه!
وللسبب ده أول مرة أعمل
القلقاس كان الشهر اللى فات، أول مرة مكانش عبقري زي ما انا بحبه، بس عرفت البهار
الناقص والثانية والثالثة أرضى غرروري وشهيتي بقى، وبما أن الغدا النهاردة قلقاس
أنا هنشر سعادتي على الجميع وأقولكم
طريقته الدايت.
المكونات:
·
قلقاس (1 بتكفي شخصين أو ثلاثة، عن نفسي بقطعه وباستخدم
على قدي وبشيل الباقي في الفريزر)
·
سلق وكزبرة خضراء مقطعين متوسط النعومة (برضه بستخدم على
قدي وبشيل الباقي في الفريزر)
·
لحم مقطع مكعبات متوسطة أو صغيرة
·
كزبرة ناشفة
·
ملح
·
فلفل أسود
·
بصلة
·
بهارات
·
ليمونة
·
ثوم
·
ملعقة زيت واحدة
الطريقة:
1.
في حلة متوسطة نحط كمية مياه كافية للشوربة، ونحط فيها
البهارات والبصل والفلفل الأسود ونسيب الميه لما تغلي.
2.
نضيف اللحم ونوطي النار بعد غليان الميه ونسيبها تستوي
براحتها.
3.
بعد ما اللحمة تستوي نضيف الملح والقلقاس وعصير ليمونة.
4.
نقشر الثوم بكمية مناسبة انا بستخدم لنصف ثمرة قلقاس 5
حبات ثوم، ونضربه، وباستخدام طاسة تيفال نحمره في معلقة الزيت حتى يصفر.
5.
نضيف الكزبرة الخضراء والسلق ونقلب لغاية لما اللون يغمق
ويبدأو يقرمشوا.
6.
نضيف الكزبرة الناشفة.
7.
نضيف كل ما سبق على شوربة القلقاس بعد ما يكون القلقاس
استوى.
8.
نسيبهم يغلوا وبالهنا والشفا.
ليست هناك تعليقات:
إرسال تعليق